dijous, 11 de febrer del 2016

La bandièra occitana es lo progrès / Le drapeau occitan, c'est le progrès




[Occitan]

La bandièra occitana es lo progrès:

non a la recuperacion d’extrèma drecha!
 
Lo laboratòri politic Iniciativa per Occitània condemna la recuperacion de la bandièra occitana per certans grops d’extrèma drecha.
 
Ramentam que la bandièra occitana es lo simbòl del país d’Occitània. Es una bandièra per totes pr’amor qu’Occitània es una idèa qu’aperten a totes sos abitants. L’idèa d’Occitània exclutz pas degun: intègra los occitans d’adopcion e los occitans d’origina, los occitans nòuvenguts e los occitans del brèç.
 
La bandièra occitana se pòt pas utilizar dins las manifestacions d’extrèma drecha car l’extrèma drecha pretend exclure de personas. Condemnam los grops d’extrèma drecha que recupèran e embrutisson nòstre drapèl nacional occitan. Combatèm en particular Pegida que manifestèt lo 6 de febrièr a Montpelhièr; e combatèm parièr lo Front Nacional, lo Blòc Identitari e los maurrassians.
 
Aqueles grops d’extrèma drecha defendon pas la lenga e la cultura occitanas. Militan per la supremacia de la lenga francesa e per la somission de la cultura occitana que la plaçan dessota la cultura francesa. Aqueles movements d’extrèma drecha son enemics del pòble occitan, de la cultura d’òc e de la lenga d’òc.
 
Son pas los refugiats ni los immigrants que menaçan la cultura occitana. Çò que nos menaça, coma occitans, es ben la cultura francesa impausada dempuèi París.
 
L’11 de febrièr de 2016

[Français]

Le drapeau occitan, c’est le progrès: non à la récupération d’extrême droite!
 
Le laboratoire politique Iniciativa per Occitània condamne la récupération du drapeau occitan par certains groupes d’extrême droite.
 
Nous rappelons que le drapeau occitan est le symbole du pays d’Occitanie. C’est un drapeau pour tout le monde parce que l’Occitanie est une idée qui appartient à tous ses habitants. L’idée d’Occitanie n’exclut personne: elle intègre les Occitans d’adoption et les Occitans d’origine, les Occitans nouvellement arrivés et les Occitans de naissance.
 
Le drapeau occitan ne peut pas être utilisé dans les manifestations d’extrême droite car l’extrême droite prétend exclure des personnes. Nous condamnons les groupes d’extrême droite qui récupèrent et salissent notre drapeau national occitan. Nous combattons en particulier Pegida qui a manifesté le 6 février à Montpellier; et nous combattons de la même manière le Front National, le Bloc Identitaire et les maurrassiens.
 
Ces groupes d’extrême droite ne défendent pas la langue et la culture occitanes. Ils militent pour la suprématie de la langue française et pour la soumission de la culture occitane qu’ils placent en dessous de la culture française. Ces mouvements d’extrême droite sont ennemis du peuple occitan, de la culture d’oc et de la langue d’oc.
 
Ce ne sont pas les réfugiés ni les immigrés qui menacent la culture occitane. Ce qui nous menace, en tant qu’Occitans, c’est la culture française imposée depuis Paris.
 
le 11 février 2016 

6 comentaris:

  1. M'estonariá que l'extrèma drecha francimanda ( a despart de la cola de Rodièr benlèu) utilizèsse lo drapèu amb l'estèla, lo sol drapèu per tota la nacion occitana. Emai o faguèsse los poiriam denonciar coma mancant de sinceritat estant que son de jacobins acarnassits e los enemics de las nacions de l'Estat francés que reconeisson pas (son pas los sols d'alhors, veire Mélenchon e d'autres). Pasmens, lo drapèu nacional occitan es pas la proprietat d'una tendéncia politica quina que siá, occitanista o pas. La bandièra occitana es pas lo progrès, es la bandièra occitana, punt. Se Occitània foguèsse independenta, i auriá, mai que probable, tot l'escaquièr politic de l'extrèma drecha a l'extrèma esquèrra coma dins la majoritat de las nacions independentas.
    Joan-Pèire Alari

    ResponElimina
    Respostes
    1. Me sembla ça que la problematica la vòstra vision de l'indepedéncia,ont aquò reven a dire que fin finala tot serà "normal" quand òm aurà d'antisemites, de racistas e de faissistas occitans e/o occitanistas. Cal pas faire la confusion entre de "valors" e de partits, l'occitanisme es pas un partit es un ensemble de valors que diverses partits defendon. Mas l'extrèma drecha defend de valors que me semblan radicalament incompatibla amb las de l'occitanisme. Pròva que los faissistas del miègjorn son sovent mai franco imperialistas que non pas sincerament occitanistas (a qualques excepcions près benlèu!).

      Elimina
  2. cal legir "que reconeisson pas las nacions de l'Estat francés"

    ResponElimina
  3. Una Occitània independenta seria pas una societat moralament perfiècha. Cal pas pantaissar. L'antisemitisme seria condemnat per la lei e l'occitanisme auria pas mai de rason d'èstre. I auria de partits progressistas e d'autres conservators. Es pas un problèma que i aja una extrèma drecha en Occitània se demora marginala. Dins l'Occitania actuala es malurosament pas lo cas. Lo problèma se resolvra pas en manifestant contra los "faissistas". En Provença e en Lengadoc, i a plan d'electors qu'an perdut lor lenga, l'occitan e lor identitat, son desvariats e se refugian dins la subredicha chovinista francimanda del Front Nacional. Los abandonam o ensajam de lor parlar?

    ResponElimina
    Respostes
    1. Car sénher Alari, i a mai d'una causas que me geinan dins vòstra apròcha.

      -Primièr ponch, soi pas convençut pel vòstre rasonament, pr'amor que partètz d'una situacion fictiva "dins una Occitània independenta" (sens dobte desirabla, mas fictiva) per conclure de quicòm que se debana dins la societat occitana actuala (un usatge racista e suprematista del drapèl occitan, dont lo present comunicat rend compte).

      -Segon ponch: cresi que cal tanben qu'aquel discors presente quicòm de desirable per una majoritat d'individus vivent en Occitània uèi (e perqué pas en defòra) amb e - vòli dire malgrat- las marridas e brutas condicions d'uèi.

      Per qué voler bastir una societat occitana s'es pas en nom d'un "progrès"(l'idèa en se es criticabla, mas parlar de "progrès" en parlar de l'occitan, pòt èsser paradoxal per unes malinasses) o de valors a las qualas lo mond se podràn identificar?
      Aqui tanben, cresi qu'i a tot un trabalh de renovacion ideologica de realizar dins lo mond occitanista e lo titol d'aquel comunicat me sembla plan justificat; aquò vòl pas dire que la societat occitana de venir serà perfacha moralament, ailàs: mas almens aurà un ideal que caldrà seguir e que donarà un sens a son existéncia.
      Aquò vòl dire donc que dins la societat "occitana" actuala, sens un projècte de societat fondat sus de valors fòrtas e desirablas per una majoritat, i a pas ges d'evolucion o de progression possibla per l'occitanisme, demorarà çò qu'es vengut: una movança de professors, d'intellectuals pantaissaires, en general mascles, blancs, eteròs e de classa mejana, als uèlhs del rèsta del mond demoraràn de franceses un pauc nostalgics de la lenga del vilatge, de bons franceses qué, amb un supplement d'anma e un pauc d'accent ...

      E al pais lo mond se diràn (e se dison) per qué far una societat occitana? E precisament, la question se pausa e nos cal i respondre amb d'arguments, de proposicions, de demonstracions, tot aquò implica d'energia, de fòrça e de vam (concretament: d'argent, de personas e d'idèas) que benlèu mancan uèi a la majoritat dels moviments occitanistas... (mon vejaire de jove c**)

      - Darrièr ponch que me geina dins vòstra argumentacion: emai s'ieu ai ja escrich quicòm de parièr, cresi que cal arrestar d'infantilizar tròp facilament los occitans qu'an perdut lor identitat e patin cofin... Son tanben d'òmes e de femnas responsables qu'an causits (cèrtas, sos l'influéncia e per la fòrça de las institucions estatalas) mas an causit "liurament" e majoritariament França e sas institucions (emai Mistral...) e an causit de quitar d'un biais o d'un autre la lenga del pais.
      Bon, e aprèp? Avètz rason, l'istòria es pas acabada. Aquò vòl pas dire qu'òm deu plegar bagatge e tornar dins las oblidetas de l'istòrias, mas aquò vòl dire a mon vejaire que los qu'an causit França ièr pòdon causir Occitània deman. Salvat que cal mostrar, demostrar, explicar perqué e cossi: sens un nòu projècte de societat amb totes, sens l'idèa d'un progrès aquò me sembla impensable.
      Per acabar, dins la societat occitana actuala, soi convençut que sens una dimension progressista, sens una projeccion dins un futur melhor, una societat mai justa e mai umana (es vaga, òc) aquela tentativa me sembla vana, e l'occitanisme ne patirà fòrça (coma es lo cas dempuèi qualques decadas) al risc de desparèisser completament.

      Aqui perque manifèsti tornarmai mon acòrdi plen e total amb lo titol d'aquel comunicat: lo drapèl occitan (dins la societat d'uèi) si qu'es lo progrès, contra la xenofobia e lo faissisme en Euròpa e dins lo mond!

      Elimina