dissabte, 29 d’abril del 2017

Macron es un perilh... e Le Pen encara mai/ Macron est un danger... et Le Pen encore plus






Macron es un perilh... e Le Pen encara mai

Lo laboratòri politic Iniciativa per Occitània “sosten” ideologicament pas cap de candidat al segond torn de l’eleccion presidenciala francesa. Solament demandam als ciutadans de causir lor actitud en foncion dels perilhs.

Marine Le Pen es un perilh pus naut qu’Emmanuel Macron. Es una enemiga declarada de l’occitan, de las autras lengas minorizadas e de totas las minoritats de l'estat francés. S’es pas destacada de las posicions autoritàrias, racistas e omofòbas de l’extrèma drecha. Sosten l’extremisme de Putin e Trump. S’arribèsse al poder, seriá un grand perilh per nòstra cultura, nòstras libertats, pel País Occitan, sa democracia e mai per la patz.

Emmanuel Macron semblariá pus moderat. Mas son programa servís lo poder opac de las grandas bancas que someton de païses entiers a de politicas antisocialas... O podèm pas acceptar. S’engatja pas seriosament per la lenga nòstra e la subrevivença de la cultura occitana. Ditz que vòl ratificar la Carta Europèa de las Lengas Regionalas e Minoritàrias, mas aquela carta es ineficaça: una tala proposicion manca de seriós: lo candidat Hollande, en son temps, faguèt çò meteis amb la resulta que sabèm.

Lo sistèma politic francés, amb sas eleccions de dos torns, redutz las esperanças democraticas. Lo progrès passarà per las luchas socialas e ecologistas, per una economia de proximitat, per de libertats mai orizontalas e un poder mens centralizat, per la reapropriacion civica del país e per un usatge audaciós de la lenga occitana.


Macron est un danger... et Le Pen encore plus

Le laboratoire Iniciativa per Occitània ne “soutient” idéologiquement aucun candidat au second tour de l’élection présidentielle française. Nous demandons seulement aux citoyens de choisir leur attitude en fonction des dangers.

Marine Le Pen est un danger plus élevé qu’Emmanuel Macron. C’est une ennemie déclarée de l’occitan, des autres langues minorisées et de toutes les minorités de l’État français. Elle ne s’est pas détachée des positions autoritaires, racistes e homophobes de l’extrême droite. Elle soutient l’extrémisme de Poutine et Trump. Si elle arrivait au pouvoir, elle représenterait un grand danger pour notre culture, nos libertés, pour le Pays Occitan, sa démocratie et même pour la paix.

Emmanuel Macron semblerait plus modéré. Mais son programme sert le pouvoir opaque des grandes banques qui soumettent des pays entiers à des politiques antisociales... Nous ne pouvons pas l’accepter. Il ne s’engage pas sérieusement pour notre langue et la survie de la culture occitane. Il dit vouloir ratifier la Charte Européenne des Langues Régionales et Minoritaires, mais cette charte est inefficace: une telle proposition manque de sérieux: le candidat Hollande, en son temps, a fait la même chose avec le résultat que nous savons.

Le système politique française, avec ses élections à deux tours, réduit les espérances démocratiques. Le progrès passera par les luttes sociales et écologistes, par une économie de proximité, par des libertés plus horizontales et un pouvoir moins centralisé, par la réappropriation civique du pays et pour un usage audacieux de la langue occitane.


dimarts, 18 d’abril del 2017

IPO sosten Felip Poton e Joan Lassala/ IPO soutient Philippe Poutou et Jean Lassalle

Iniciativa per Occitània sosten Felip Poton e Joan Lassala
Dins l’eleccion presidenciala francesa de 2017, sols dos candidats declaran que vòlon sosténer la lenga occitana après respondre a qualques associacions occitanistas: se tracta de Felip Poton (NPA) e de Joan Lassala. Felip Poton apond que sosten tanben lo drech d’autodeterminacion dels pòbles minorizats, e mai promòu la justícia sociala en arborant de valors pròchas de las nòstras.
Lo movement Iniciativa per Occitània crida donc los abitants a votar per Felip Poton o Joan Lassala.
Tanben Iniciativa per Occitània demanda de luchar contra los candidats que se presentan coma jacobins, centralistas e idolatras de la lenga francesa (çò qu’es una posicion evidenta de mesprètz contra l’occitan, lenga en perilh de mòrt). Per ansin, demandam de barrar la rota a Jean-Luc Mélenchon, Benoît Hamon, Emmanuel Macron, François Fillon, Nicolas Dupont-Aignan e Marine Le Pen. A prepaus de Marine Le Pen, precisam que combatèm tanben sas idèas d’extrèma drecha coma l’asirança e l’autoritarisme.
Iniciativa per Occitània soutient Philippe Poutou et Jean Lassalle


Dans l’élection présidentielle française de 2017, seuls deux candidats déclarent vouloir soutenir la langue occitane après avoir répondu à quelques associations occitanistes: il s'agit de Philippe Poutou (NPA) et de Jean Lassalle. Philippe Poutou ajoute qu'il soutient aussi le droit des peuples minorisés à l'autodétermination, et même promeut la justice sociale en arborant des valeurs proches des nôtres.


Le mouvement Iniciativa per Occitània appelle donc les habitants à voter pour Philippe Poutou ou Jean Lassalle.


Iniciativa per Occitània demande aussi de lutter contre les candidats qui se présentent comme jacobins, centralistes et idolâtres de la langue française (ce qui est une position évidente de mépris de l’occitan, langue en danger de mort). C'est pourquoi  nous demandons de barrer la route à Jean-Luc Mélenchon, Benoît Hamon, Emmanuel Macron, François Fillon, Nicolas Dupont-Aignan et Marine Le Pen. À propos de Marine Le Pen, nous précisons que nous combattons aussi ses idées d'extrême droite comme la haine et l’autoritarisme.