dimecres, 30 de desembre del 2015

Demanda de clarificacion al PNO / Demande de clarification au PNO


comunicat de premsa
Demanda de clarificacion al PNO

Iniciativa per Occitània, coma laboratòri politic, trabalha per la liberacion d’Occitània e del pòble occitan dins tota sa diversitat. Sèm un movement patriotic, independentista e nacionalista amb una connotacion progressista. Defendèm la nacion occitana dins una volontat de creativitat culturala, de liberacion, de dobertura al Mond, d’internacionalisme e d’amistat entre los pòbles. Nòstre nacionalisme occitan es dobèrt: sèm contra lo chauvinisme, contra lo racisme e contra tota forma de crispacion dins una “identitat” rigida.

Aquestas valors son las que caracterizan l’occitanisme politic. Son comunas a Francés Fontan e Robèrt Lafont, los dos intellectuals màgers qu’an dedicat lor vida a la nacion occitana. Tanben son las valors comunas als movements politics occitans coma Libertat, lo PNO (fondat per Francés Fontan), lo PÒC, País Nòstre, los partits araneses, Iniciativa per Occitània, etc. Aquestas valors son afortidas per l’Assemblada Nacionala Occitana (ANÒC) qu’es a nàisser d’aquesta passa.

Uèi, sèm revoltats e estabosits fàcia als discorses d’òdi contra los musulmans exprimits per certans membres del PNO e per certans redactors del Lugar, la revista del PNO.

Dins lo Lugar nº114 (prima de 2015), p. 21, Pèire Pessamessa se descriu coma “ieu, islamofòb de totjorn” e afirma: “mancan pas lei rasons d’èstre islamofòb”. Dins lo meteis numèro del Lugar, p. 35, Sèrgi Viaule escriu: “Aquel concèpte [la libertat] es vengut lo motor de totas las societats umanas. Sols, d’aquesta passa, los musulmans ensajan de tornar enrèire e refusan aquel modèl. Ensajan de tornar als mites e a las practicas barbaras de l’Antiquitat.”

Aquestas generalizacions contra los musulmans son inacceptablas perque son desmentidas per los faches concrets. Aicí en Occitània, de musulmans se mobilizan contra lo fanatisme pseudoislamic e per la libertat. Es lo cas, per exemple, dels musulmans de Besièrs que defendon una glèisa crestiana a Calendas en 2015. Es lo cas de Tariq Ubru, l’imam influent de Bordèu... Aicí en Occitània, coneissèm de musulmans que s’engatjan dins lo movement occitanista, que parlan occitan e que defendon lo país. Los nacionalistas occitans —lo PNO entretant— an lo dever moral e intellectual de se dobrir a totes los occitans, compreses los occitans musulmans, per lor prepausar un projècte de societat e per los preveire dins la nacion occitana comuna.

Lo fondador del PNO, Francés Fontan, qu’es pas pus amb nosautres, auriá pas jamai tolerat de talas paraulas d’òdi contra los musulmans. Los d’Iniciativa per Occitània coneissèm l’òbra completa de Fontan. L’avèm legida. Sabèm legir. E es clar que Fontan a totjorn dich que la nacion occitana a vocacion d’inclure totes los abitants d’Occitània, quinas que sián lors religions e lors originas.

Nòstra defensa dels musulmans d’Occitània es non negociabla. Coma nòstra defensa dels josieus, dels crestians o dels non-cresents d’Occitània es non negociabla.

L’islamofobia (l’òdi dels musulmans) es un òdi contra una partida de la nacion occitana, donc es una traïson del nacionalisme occitan.

En mai d’aquò, aquela islamofobia es una importacion del discors de l’extrèma drecha francesa. Donc es dos còps una traïson del nacionalisme occitan.

Menam un combat determinat contra lo fanatisme pseudoislamic. Simplament, los faches demòstran que, dins la nòstra societat occitana, èsser “musulman” significa pas èsser “fanatic”.

Defendèm lo drech de cada individú de criticar o de lausar las religions. Mas l’islamofobia de Sèrgi Viaule e de Pèire Pessamessa a pas lo mendre rapòrt amb qualque critica racionala de la religion musulmana: lor islamofobia es una ràbia obsessionala dirigida contra una partida de nòstra populacion, es un òdi que lo repetisson sens relambi, quasi cada jorn, dins lors articles e dins lors comentaris sus Internet. Se tracta ben d’un òdi compulsiu, fòra tota racionalitat.

Los membres d’Iniciativa per Occitània, avèm defendut mai d’un còp lo PNO quand foguèt acusat injustament d’èsser d’extrèma drecha. Totjorn avèm ramentat en public las valors umanistas de Francés Fontan. Totjorn avèm manifestat nòstra solidaritat e nòstra amistat amb los camaradas del PNO, coma o avèm fach amb de camaradas de Libertat o del PÒC.

Mas ara, lo PNO s’es mes dins una situacion impossibla e li demandam de clarificar sa posicion rapidament.

— Vòl encara, lo PNO, bastir la nacion occitana amb totes sos abitants, de totas originas e de totas religions, musulmans compreses, coma o voliá Francés Fontan?

— Vòl encara, lo PNO, combatre lo racisme e l’intolerància, coma o fasiá Francés Fontan?

— Es prèst, lo PNO, a remetre d’òrdre dins la presa de paraula de sos aderents?

— Es prèst, lo PNO, a remetre d’òrdre dins sa revista lo Lugar, per que siá tornarmai en acòrdi amb los principis nacionalistas, umanistas e antiracistas de Francés Fontan?

Lo PNO jòga uèi sa cresabilitat coma movement nacionalista. Esperam que se salvarà d’aquesta situacion. Iniciativa per Occitània se determinarà en foncion de la responsa del PNO. E gardam espèr.



* * *

communiqué de presse
Demande de clarification au PNO

Iniciativa per Occitània, en tant que laboratoire politique, travaille pour la libération de l’Occitanie et du peuple occitan dans toute sa diversité. Nous sommes un mouvement patriotique, indépendantiste et nationaliste avec une connotation progressiste. Nous défendons la nation occitane dans une volonté de créativité culturelle, de libération, d’ouverture au monde, d’internationalisme et d’amitié entre les peuples. Notre nationalisme occitan est ouvert: nous sommes contre le chauvinisme, contre le racisme et contre toute forme de crispation dans une “identité” rigide.

Ces valeurs sont celles qui caractérisent l’occitanisme politique. Elles sont communes à François Fontan et Robert Lafont, les deux intellectuels majeurs qui ont dédié leur vie à la nation occitane. Ce sont aussi des valeurs communes aux mouvements politiques occitans comme Libertat, le PNO (fondé par François Fontan), le PÒC, País Nòstre, les partis aranais, Iniciativa per Occitània, etc. Ces valeurs sont affirmées par l’Assemblée nationale occitane (ANÒC) qui est en train de naitre en ce moment.

Aujourd’hui, nous sommes révoltés et stupéfaits face aux discours de haine contre les musulmans exprimés par certains membres du PNO et par certains rédacteurs de lo Lugar, la revue du PNO.

Dans lo Lugar nº114 (printemps 2015), p. 21, Pierre Pessemesse se décrit comme “moi, islamophobe de toujours”, et il affirme: “les raisons ne manquent pas d’être islamophobe”. Dans le même numéro de lo Lugar, p. 35, Serge Viaule écrit: “Ce concept [la liberté] est devenu le moteur de toutes les sociétés humaines. Seuls, en ce moment, les musulmans essaient de revenir en arrière et refusent ce modèle. Ils essaient de revenir aux mythes et aux pratiques barbares de l’Antiquité.”

Ces généralisations contre les musulmans sont inacceptables parce qu’elles sont démenties par les faits concrets. Ici en Occitanie, des musulmans se mobilisent contre le fanatisme pseudo-islamique et pour la liberté. C’est la cas, par exemple, des musulmans de Béziers qui défendent une église chrétienne en ce Noël 2015. C’est le cas de Tariq Oubrou, l’imam influent de Bordeaux… Ici en Occitanie, nous connaissons des musulmans qui s’engagent dans le mouvement occitaniste, qui parlent occitan et qui défendent le pays. Les nationalistes occitans —et le PNO entre autres— ont le devoir moral et intellectuel de s’ouvrir à tous les Occitans, y compris aux Occitans musulmans, pour leur proposer un projet de société et pour les prévoir dans la nation occitane commune.

Le fondateur du PNO, François Fontan, qui n’est plus parmi nous, n’aurait jamais toléré de telles paroles de haine contre les musulmans. Nous, membres d’Iniciativa per Occitània, nous connaissons l’œuvre complète de Fontan. Nous l’avons lue. Nous savons lire. Or, Fontan a toujours dit clairement que la nation occitane a vocation à inclure tous les habitants de l’Occitanie, quelles que soient leurs religions et leurs origines.

Notre défense des musulmans d’Occitanie n’est pas négociable. De même, notre défense des juifs, des chrétiens ou des non-croyants d’Occitanie n’est pas négociable.

L’islamophobie (la haine des musulmans) est une haine contre une partie de la nation occitane, donc c’est une trahison du nationalisme occitan.

De plus, cette islamophobie est une importation du discours de l’extrême droite française. Donc c’est deux fois une trahison du nationalisme occitan.

Nous menons un combat déterminé contre le fanatisme pseudo-islamique. Simplement, les faits démontrent que, dans notre société occitane, être “musulman” ne signifie pas être “fanatique”.

Nous défendons le droit de chaque individu de critiquer ou de louer les religions. Mais l’islamophobie de Serge Viaule et de Pierre Pessemesse n’a pas le moindre rapport avec une quelconque critique rationnelle de la religion musulmane: leur islamophobie est une rage obsessionnelle dirigée contre une partie de notre population, c’est une haine qu’ils répètent sans cesse, presque chaque jour, dans leurs articles et dans leurs commentaires sur Internet. Il s’agit bien d’une haine compulsive, hors de toute rationalité.

Nous, les membres d’Iniciativa per Occitània, nous avons défendu plusieurs fois le PNO quand il a été accusé injustement d’être d’extrême droite. Nous avons toujours rappelé en public les valeurs humanistes de François Fontan. Nous avons toujours manifesté notre solidarité et notre amitié avec les camarades du PNO, comme nous l’avons fait avec des camarades de Libertat ou du PÒC.

Mais maintenant, le PNO s’est mis dans une situation impossible et nous lui demandons de clarifier sa position rapidement.

— Est-ce que le PNO veut encore construire la nation occitane avec tous ses habitants, de toutes origines et de toutes religions, musulmans compris, comme le voulait François Fontan?

— Est-ce que le PNO veut encore combattre le racisme et l’intolérance, comme le faisait François Fontan?

— Est-ce que le PNO est prêt à remettre de l’ordre dans les prises de parole de ses adhérents?

— Est-ce que le PNO est prêt à remettre de l’ordre dans sa revue lo Lugar afin qu’elle soit de nouveau en accord avec les principes nationalistes, humanistes et antiracistes de François Fontan?

Le PNO joue aujourd’hui sa crédibilité en tant que mouvement nationaliste. Nous espérons qu’il se sauvera de cette situation. Iniciativa per Occitània se déterminera en fonction de la réponse du PNO. Et nous gardons espoir.

Corsega: non al racisme, non a las manipòlas, solidaritat amb lo pòble còrs / Corse: non au racisme, non aux manipulations, solidarité avec le peuple corse




Corsega : non al racisme, non a las manipòlas, solidaritat amb lo pòble còrs

Lo 13 de decembre passat, las fòrças nacionalistas còrsas obtenguèron una victòria istorica a las eleccions territorialas. Quasi silenciada per los mèdias franceses lo ser dels resultats, aquela victòria representa una esperança per totes los pòbles en lucha per lor libertat, e per tant tanben per Occitània.

Lèu-lèu, aquela victòria a pasmens encolerit los chauvinistas franceses mai encanhats, furioses d’ausir lo president de l’Assemblada de Corsega, l’independentista Jean-Guy Talamoni, prononciar son discors d’investidura lo 17 de decembre tot en lenga còrsa. E una setmana puèi, d’incidents porgiguèron d’autras escasenças per acusar lo nacionalisme còrs de totes los vicis. Dins un quartièr popular d’Aiacciu, dos encagolats assalhiguèron de pompièrs en tot téner de prepauses racistas contra los còrses. L’endeman, un rassemblament de sosten als pompièrs degenerèt en actes de violéncia antiaràbia. Los mèdias parlèron pauc del primièr incident, mas fòrça mai del segond, e l’eurodeputat socialchauvinista Jean-Luc Mélenchon escriguèt un article ont, coma o fa sovent, amalgamava lo nacionalisme còrs e la violéncia, e comparava los actes racistas amb lo discors en lenga còrsa de Talamoni. Totun, malgrat un relatiu silenci mediatic a aquel prepaus, tant lo president del Conselh Executiu, l’autonomista Gilles Simeoni, coma Talamoni condemnèron clarament lo racisme antiarabi coma contrari a la tradicion politica nacionalista còrsa.

Coma los independentistas còrses d’esquèrra del movement A Manca, nos pausam de questions sus  la facilitat amb la quala los racistas se poguèron organizar per manifestar –malgrat l’estat d’emergéncia– e assalhir una sala de pregària musulmana, e sus l’impunitat totala de gropusculs d’extrèma drecha, que pasmens apelavan a l’òdi suls rets socials. Un desenat de jorns après la victòria nacionalista còrsa, aqueles deplorables incidents pòdon èsser utils a de manipòlas qu’ensajan de discreditar lo nacionalisme còrs, pasmens non racista, dobèrt a totes los estatjants de l’illa de quina que siá origina.


Iniciativa per Occitània vòl doncas dire clarament que, se condemnam energicament totas las formas de racisme, acceptarem pas tanpauc los amalgamas qu’assòcien de manièra malonèsta los movements de liberacion nacionala a l’extrèma drecha. Afortissèm nòstra plena solidaritat amb lo pòble còrs contra un estat francés que contunha de refusar sas demandas majoritàrias legitimas (cooficialitat, estatut de resident, justícia fiscala, liberacion dels prisonièrs politics) e que son chauvinisme desvolopa l’extrèma drecha que combatrem totjorn.


Corse : non au racisme, non aux manipulations, solidarité avec le peuple corse

Le 13 décembre dernier, les forces nationalistes corses ont obtenu une victoire historique aux élections territoriales. Presque passée sous silence par les médias français le soir des résultats, cette victoire représente une espérance pour tous les peuples en lutte pour leur liberté, et par conséquent aussi pour l’Occitanie.

Très vite, cette victoire a cependant mis en colère les chauvinistes français les plus acharnés, furieux d’entendre le président de l’Assemblée de Corse, l’indépendantiste Jean-Guy Talamoni, prononcer son discours d’investiture le 17 décembre tout en langue corse. Et une semaine après, des incidents ont fourni d’autres occasions pour accuser le nationalisme corse de tous les vices. Dans un quartier populaire d’Ajaccio, deux cagoulés ont assailli des pompiers en tenant des propos racistes contre les Corses. Le lendemain, un rassemblement de soutien aux pompiers a dégénéré en actes de violence anti-arabe. Les médias ont peu parlé du premier incident, mais beaucoup plus du second, et le député européen social-chauviniste Jean-Luc Mélenchon a écrit un article où, comme il le fait souvent, il amalgamait le nationalisme corse et la violence, et comparait les actes racistes avec le discours en langue corse de Talamoni. Pourtant, malgré un relatif silence médiatique à ce propos, aussi bien le président du Conseil Exécutif, l’autonomiste Gilles Simeoni, que Talamoni ont clairement condamné le racisme anti-arabe comme contraire à la tradition politique nationaliste corse.

Comme les indépendantistes corses de gauche du mouvement A Manca, nous nous posons des questions sur la facilité avec laquelle les racistes ont pu s’organiser pour manifester –malgré l’état d’urgence– et attaquer une salle de prière musulmane, et sur l’impunité totale de groupuscules d’extrême droite, qui appelaient toutefois à la haine sur les réseaux sociaux. Une dizaine de jours après la victoire nationaliste corse, ces déplorables incidents peuvent être utiles à des manipulations qui essaient de discréditer le nationalisme corse, ouvert à tous les habitants de l’île de toute origine.

Iniciativa per Occitània veut donc dire clairement que, si nous condamnons énergiquement toutes les formes de racisme, nous n’accepterons pas non plus les amalgames qui associeraient de façon malhonnête les mouvements de libération nationale à l’extrême droite. Nous affirmons notre pleine solidarité avec le peuple corse contre un État français qui continue de refuser ses demandes majoritaires légitimes (coofficialité, statut de résident, justice fiscale, libération des prisonniers politiques) et dont le chauvinisme développe l’extrême droite que nous combattrons toujours.

divendres, 4 de desembre del 2015

Eleccions regionalas: una mascarada / Élections régionales: une mascarade





Eleccions regionalas: una mascarada


Amb la campanha electorala que s'acaba, lo movement Iniciativa per Occitània desira comunicar son ponch de vista sus aquestas eleccions.

Al nivèl institucional l'importància donada pels poders politics e mediatics a las eleccions regionalas es en totala contradiccion amb lo pauc de poder que la constitucion francesa balha a las regions. Las regions de l'estat francés an mens de competéncias e mens de mejans financièrs que los departaments o que las grandas comunas e aglomeracions. Lo desfasament entre la realitat de la gestion de las regions e l'imatge que l'estat ne vòl donar es una engana politica.

Al nivèl d'aquestas eleccions dels 6 e 13 de decembre d'ongan, nos grèva que los debats politics e ideologics sián centralizats a París e utilizen de tematicas qu'an pas res a veire amb las gestions regionalas e pas res a veire amb las competéncias de las institucions regionalas.

Planhèm que los candidats occitanistas, malgrat lor valor, sián completament negats dins de listas non occitanistas. Ne venon completament invisibles als uèlhs de l'electorat. Las proposicions occitanistas d'aquestas listas son en dejós d'un minimum acceptable. Dins aquesta campanha politica planhèm l'utilizacion cosmetica e folclorica qu'es estada facha de la lenga occitana, tant escricha coma parlada.

Planhèm la menaça de l'FN tant al nivèl de sa pojada dins l'electorat coma al nivèl de la permeabilitat de certans partits franceses democratics a sas idèas. Planhèm la nullitat dels partits franceses democratics a obténer de resultats politics concrets contra l'FN e sas idèas.

Planhèm que l'estat d'emergéncia servisca de pretèxt per levar certanas libertats. L'organizacion de las eleccions dins un doble contèxt liberticida e de campanha d'ultranacionalisme francés desfavoriza grèvament l'expression democratica en general e l'expression democratica occitana en particular.




Per totas aquestas rasons, lo movement Iniciativa per Occitània denóncia aquestas eleccions e lor organizacion que non ofrisson pas cap de garentida democratica. Son una mascarada de vida politica.



Élections régionales: une mascarade

Avec la campagne électorale qui s'achève, le mouvement Iniciativa per Occitània souhaite communiquer son point de vue sur ces élections.

Au niveau institutionnel, l'importance donnée par les pouvoirs politiques et médiatiques aux élections régionales est en totale contradiction avec le peu de pouvoir que la Constitution française accorde aux régions. Les régions de l'État français ont moins de compétences et moins de moyens financiers que les départements ou que les grandes communes et agglomérations. Le décalage entre la réalité de gestion des régions et l'image que l'État veut en donner est une tromperie politique.

Au niveau de ces élections des 6 et 13 décembre de cette année, nous regrettons que les débats politiques et idéologiques soient centralisés à Paris et se servent de thématiques qui n'ont rien à voir avec les gestions régionales et rien à voir avec les compétences des institutions régionales.

Nous déplorons que les candidats occitanistes, malgré leur valeur, soient complètement noyés dans des listes non occitanistes. Ils en deviennent complètement invisibles aux yeux de l'électorat. Les propositions occitanistes de ces listes sont en dessous d'un minimum acceptable. Dans cette campagne politique, nous déplorons l'utilisation cosmétique et folklorique qui a été faite de la langue occitane, aussi bien écrite que parlée.

Nous déplorons la menace du FN aussi bien au niveau de sa montée dans l'électorat qu'au niveau de la perméabilité de certains partis français démocratiques à ses idées. Nous déplorons la nullité des partis français démocratiques à obtenir des résultats politiques concrets contre le FN et ses idées.

Nous déplorons que l'état d'urgence serve de prétexte pour suspendre certaines libertés. L'organisation des élections dans un double contexte liberticide et de campagne d'ultranationalisme français défavorise gravement l'expression démocratique en général et l'expression démocratique occitane en particulier.




Pour toutes ces raisons, le  mouvement Iniciativa per Occitània dénonce ces élections et leur organisation qui n'offrent pas de garantie démocratique. Elles constituent une mascarade de vie politique.

dijous, 26 de novembre del 2015

Contra la terror, contra la manipulacion

Contra la terror, contra la manipulacion


Lo movement Iniciativa per Occitània rend omenatge a las victimas innocentas del grop Estat Islamic que comet d’atrocitats innombrablas: atemptats recents de París e Beirot, guèrra del Pròche Orient e tant d’autres crimes a travèrs del Mond.

Sostenèm la lucha dirècta contra l’Estat Islamic quand es menada per las fòrças de l’òrdre dels regims democratics.

Nos daissam pas manipular per l’estrategia de l’Estat Islamic, que cèrca, aicí en Euròpa, d’installar d'òdi entre los musulmans e la rèsta de la populacion.

Parièr, combatèm l’òdi antimusulman entretengut per los partits europèus d’extrèma drecha e de drecha dura. Son d’aliats objectius de l’estrategia d’òdi de l’Estat Islamic.

Enfin, combatèm l’embrigadament dins lo chauvinisme francés qu’es menat ara per lo govèrn francés en seguida dels atemptats de París. Refusam de nos considerar franceses e d’arborar de drapèls franceses car nòstra cultura occitana es assassinada per la politica centralista de l’estat francés.

Sèm solidaris amb las victimas e sèm dignes. Mas oblidam pas. Nos sometèm pas. Nos daissam pas manipular.


Contre la terreur, contre la manipulation


Le mouvement Iniciativa per Occitània rend hommage aux victimes innocentes du groupe État Islamique qui commet d'innombrables atrocités: attentats récents de Paris et Beyrouth, guerre du Proche Orient et tant d’autres crimes à travers le monde.

Nous soutenons la lutte directe contre l'État Islamique quand elle est menée par les forces de l'ordre des régimes démocratiques.

Nous ne nous laissons pas manipuler par la stratégie de l'État Islamique, qui cherche, ici en Europe, à installer de la haine entre les musulmans et le reste de la population.

De même, nous combattons la haine contre les musulmans entretenue par les partis européens d’extrême droite et de droite dure. Ce sont des alliés objectifs de la stratégie de haine de l'État Islamique.

Enfin, nous combattons l'embrigadement dans le chauvinisme français qui est mené à présent par le gouvernement français à la suite des attentats de Paris. Nous refusons de nous considérer français et d’arborer des drapeaux français car notre culture occitane est assassinée par la politique centraliste de l'État français.

Nous sommes solidaires avec les victimes et nous sommes dignes. Mais nous n'oublions pas. Nous ne nous soumettons pas. Nous ne nous laissons pas manipuler.

divendres, 29 de maig del 2015

N'i a pro d'èsser mespresats!


(occitan)
N’i a pro d’èsser mespresats!

La cauma de la fam es un acte pacific e coratjós, una responsa digna a las politicas injustas. Portam a nòstre compatriòta Dàvid Grosclaude tot nòstre sosten per la cauma de la fam que comencèt lo 27 de mai.

Conselhièr regional d’Aquitània, protèsta contra lo desdenh de l’estat francés tocant la creacion de l’Ofici Public de la Lenga Occitana (ÒPLO), pasmens amplament votada per doas assembladas regionalas d’Occitània, la de sa region aquitana e la de Miègjorn-Pirenèus, en junh de 2014. Mas son accion vòl tanben atraire l’atencion sul mesprètz de l’estat devèrs los ciutadans occitanofòns, e revendica lo respècte de la democracia e de la lenga occitana.

Coma nòstre compatriòta Dàvid Grosclaude, disèm que “N’i a pro d’èsser mespresats.” D’esquèrra o de drecha, los govèrns franceses que se succedisson contunhan la meteissa politica lingüicida e culturicida que definís França dempuèi lo rei Francés Ir. Las promessas electoralas que las fan los candidats a l’eleccion presidenciala, las complisson pas jamai quand son arribats al poder suprèm.

Apelam doncas los occitanistas, delà lo sosten legitim a l’acte eroïc de Dàvid Grosclaude que fa perilhar sa santat per salvar nòstra lenga e nòstra cultura, a se levar totes ensems contra l’estat francés e per convéncer la populacion de nòstre país de l’injustícia de sa politica.

N’i a pro d’èsser mespresats!

Iniciativa per Occitània,
Lo 29 de mai de 2015.

*************************

(français)

Nous en avons assez d'être méprisés!

La grève de la faim est un acte pacifique et courageux, une réponse digne aux politiques injustes. Nous apportons à notre compatriote David Grosclaude tout notre soutien pour la grève de la faim qu'il a commencée le 27 mai.

Conseiller régional d'Aquitaine, il proteste contre le dédain de l'État français à propos de la création de l'Office Public de la Langue Occitane, pourtant largement votée par deux assemblées régionales d'Occitanie, celle de sa région aquitaine et celle de Midi-Pyrénées, en juin 2014. Mais son action veut aussi attirer l'attention sur le mépris de l'État envers les citoyens occitanophones, et revendique le respect de la démocratie et de la langue occitane.

Comme notre compatriote David Grosclaude, nous disons:  "Nous en avons assez d'être méprisés!" De gauche ou de droite, les gouvernements français qui se succèdent continuent la même politique linguicide et culturicide qui définit la France depuis le roi François Ir. Les promesses électorales que font les candidats avant l'élection présidentielle, ils ne les respectent jamais quand ils sont arrivés au pouvoir suprême.

Nous appelons donc les occitanistes, au-delà du soutien légitime à l'acte héroïque de David Grosclaude qui met en danger sa santé pour sauver notre langue et notre culture, à se lever tous ensemble contre l'État français et pour convaincre la population de notre pays de l'injustice de sa politique.

N’i a pro d’èsser mespresats! / Nous en avons assez d'être méprisés!

Iniciativa per Occitània,
Le 29 mai 2015.

dimecres, 20 de maig del 2015

Per un collègi mai just e en occitan / Pour un collège plus juste et en occitan




(Tèxt en occitan)

Per un collègi mai just e en occitan

La reforma del collègi  que l’impausa per decret lo govèrn francés de centresquèrra provòca de debats passionats. A Iniciativa per Occitània, una lectura nacionala occitana nos sembla necessària.

Condemnam evidentament la grèva menaça que pesa sus la mantenença de l’ensenhament de l’occitan en collègi. L’opcion facultativa d’occitan, qu’existissiá despuèi la classa de seisena, desapareis de fach e non nos podèm pas satisfar de l’inclusion de nòstra lenga dins de nòus Ensenhaments Practics Interdisciplinaris que garentiscan pas brica un orari de lenga occitana e metan en concurréncia l’occitan amb d’autras tematicas. Tanben deploram lo quasi silenci dels mèdias francofòns; dramatizan los perilhs que los corron de disciplinas coma lo latin e l’alemand, totun mai fòrtas que l’occitan, e dison pas res sus una realitat: las lengas minorizadas, ja fragilas, tròp pauc ensenhadas, perilhan.

Pasmens, sèm pas tanpauc consents amb los adversaris de la reforma que refusan tota innovacion pedagogica per conservatisme mentre que se cavan las inegalitats de tota mena entre los escolans que capitan ben e los que capitan mal. Volèm un collègi just que permeta als escolans occitans de tota condicion sociala d’accedir a un ensenhament qualitós, de progressar e de desvolopar de facultats d’aprendissatge autonòm.

Cresèm pas tanpauc que siá una solucion duradissa de concentrar las revendicacions occitanistas sus la mantenença del pauc que tenèm. D’efièch, la manca d’ambicion aumenta nòstra fragilitat perque aquò nos bota en posicion sonque defensiva de dependéncia. Al contrari, nos pensam que cal prepausar a la societat occitana un desvolopament de l’ensenhament de la lenga nòstra, segon dos aisses. Lo primièr es lo dels corses non pas d’occitan mas en occitan que fagan de la lenga nòstra una lenga veïculara possibla dins lo sistèma educatiu. Lo segond es lo refortiment de l’ofèrta de corses d’occitan, per anar devèrs lor generalizacion dins los establiments escolars d’Occitània, puèi devèrs l’ensenhament obligatòri de la lenga nòstra.

Un ensenhament de l’occitan obligatòri amb la lenga nòstra coma lenga veïculara e dins un sistèma educatiu just, aquí es l’ideal pel qual volèm luchar per lo poder transformar un jorn en realitat.

Iniciativa per Occitània,

20 de mai de 2015


(Texte en français)

Pour un collège plus juste et en occitan

La réforme du collège  qu’impose par décret le gouvernement français de centre-gauche provoque des débats passionnés. À Iniciativa per Occitània, une lecture nationale occitane nous semble nécessaire.

Nous condamnons évidemment la grave menace qui pèse sur le maintien de l’enseignement de l’occitan en collège. L’option facultative d’occitan, qui existait depuis la classe de sixième, disparaît de fait et nous ne pouvons pas nous satisfaire de l’inclusion de notre langue langue dans de nouveaux  enseignements pratiques interdisciplinaires (EPI) qui ne garantissent pas du tout un horaire de langue occitane et mettent en concurrence l’occitan avec d’autres thématiques. Nous déplorons aussi le quasi-silence  des médias francophones; ils dramatisent les dangers que courent des disciplines comme le latin et l’allemand, pourtant plus fortes que l’occitan, et ne disent rien sur une réalité: les langues minorisées, déjà fragiles, trop peu enseignées, sont menacées.

Cependant, nous ne sommes pas non plus d’accord avec les adversaires de la réforme qui refusent toute innovation pédagogique par conservatisme alors que se creusent les inégalités de toute sorte entre les élèves qui réussissent et ceux qui échouent. Nous voulons un collège juste qui permettent aux élèves occitans de toute condition sociale d’accéder à un enseignement de qualité, de progresser et de développer des facultés d’apprentissage autonome.

Nous ne croyons pas non plus que ce soit une solution durable de concentrer les revendications occitanistes sur le peu que nous avons. En effet, le manque d’ambition augmente notre fragilité parce que cela nous met en position seulement défensive de dépendance. Au contraire, nous sommes d’avis qu’il faut proposer à la société occitane un développement de l’enseignement de notre langue, selon deux axes. Le premier est celui des cours non pas d’occitan mais en occitan qui fassent de notre langue une langue véhiculaire possible dans le système éducatif. Le second est le renforcement des cours d’occitan, pour aller vers leur généralisation dans les établissements scolaires d’Occitanie, puis vers l’enseignement obligatoire de notre langue.

Un enseignement de l’occitan obligatoire avec notre langue comme langue véhiculaire et dans un système éducatif juste, c’est là que se situe l’idéal pour lequel nous voulons lutter pour pouvoir un jour le transformer en réalité.
Iniciativa per Occitània,
20 mai  2015



diumenge, 17 de maig del 2015

Sosten al collectiu Marcha, per renovar lo movement occitan




(Tèxt en occitan)

Sosten al collectiu Marcha, per renovar lo movement occitan

Ven de se crear un grop apelat “Marcha!-Plataforma de la Societat Civila Occitana”. Sa tòca es de portar mai de transparéncia e d’eficacitat dins lo movement de defensa de l’occitan.

Iniciativa per Occitània, lo laboratòri politic, es d’acòrdi amb los objectius de Marcha e prepausa de trabalhar mai que mai sus los ponches seguents.

1º Las grandas manifestacions unitàrias per defendre l’occitan se devon organizar dins de regions diferentas d’Occitània. Es contraproductiu de las organizar unicament en Lengadòc, coma es lo cas dempuèi 2005.

2º Iniciativa per Occitània sostendrà, per principi, la manifestacion per la lenga occitana que se farà lo 24 d’octòbre de 2015 a Montpelhièr. Mas deploram que se passe encara un còp en Lengadòc. Deploram son lèma vague. Deploram son organizacion opaca. Deploram que i aja pas d’unitat d’accion.

3º  L’occitanisme deu cercar de novèls mòdes d’accion per tocar pus eficaçament la populacion, las fòrças socialas e los poders publics. Las grandas manifestacions per l’occitan, fins ara, an agut d’impactes gaireben inexistents.

4º Las revendicacions per l’occitan devon èsser pus ausiblas, pus frapantas e pus ofensivas (dedins e en defòra de las manifestacions). Ne cal acabar amb los lèmas vagues e insipids que remeton pas en question l’òrdre existent. Cal exigir almens:

a) Un sosten material concret als que parlan occitan dins las familhas (ajudar la transmission de l’occitan entre las generacions).

b) Un ensenhament obligatòri de l’occitan (après aver organizat una ofèrta generala de l’occitan dins las escòlas e après aver format mai d’ensenhaires).

c) Un usatge de l’occitan creissent puèi dominant, dins los actes oficials, dins los mèdias e dins lo mond del trabalh.

d) Una “regionalizacion” vertadièra que deu implicar: lo respècte de las regions occitanas istoricas, lor gestion comuna de la lenga occitana, lor union dins una comunautat autonòma d’Occitània, lo drech a l’autodeterminacion per Occitània.

Iniciativa per Occitània
Lo 17 de mai de 2015


(Texte en français)

Soutien au collectif Marcha, pour rénover le mouvement occitan

Il vient de se créer un groupe appelé “Marcha !-Plateforme de la Société Civile Occitane”. Son but est d’apporter plus de transparence et d’efficacité dans le mouvement de défense de l’occitan.

Iniciativa per Occitània, le laboratoire politique, est d’accord avec les objectifs de Marcha et propose de travailler surtout sur les points suivants.

1º Les grandes manifestations unitaires pour défendre l’occitan doivent être organisées dans des régions occitanes différentes. Il est contreproductif de les organiser uniquement en Languedoc, comme c’est le cas depuis 2005.

2º Iniciativa per Occitània soutiendra, par principe, la manifestation pour la langue occitane qui se fera le 24 octobre 2015 à Montpellier. Mais nous déplorons qu’elle se passe une fois encore en Languedoc. Nous déplorons son mot d’ordre vague. Nous déplorons son organisation opaque. Nous déplorons qu’il n’y ait pas d’unité d’action.

3º  L’occitanisme doit chercher de nouveaux modes d’action pour toucher plus efficacement la population, les forces sociales et les pouvoirs publics. Les grandes manifestations pour l’occitan, jusqu’à présent, ont eu des impacts presque inexistants.

4º Las revendications pour l’occitan doivent être plus audibles, plus frappantes et plus offensives (à l’intérieur et à l’extérieur des manifestations). Il faut en terminer avec les mots d’ordre vagues e insipides qui ne remettent pas en question l’ordre existant. Il faut exiger au moins :

a) Un soutien matériel concret à ceux qui parlent occitan dans les familles (aider la transmission de l’occitan entre las générations).

b) Un enseignement obligatoire de l’occitan (après avoir organisé une offre générale de l’occitan dans les écoles et après avoir formé plus d’enseignants).

c) Un usage de l’occitan croissant, puis dominant, dans les actes officiels, dans les médias et dans le monde du travail.

d) Une « régionalisation » véritable qui doit impliquer : le respect des régions occitanes historiques, leur gestion commune de la langue occitane, leur union dans une communauté autonome d’Occitanie, le droit à l’autodétermination pour l’Occitanie.

Iniciativa per Occitània
Le 17 mai 2015



diumenge, 8 de febrer del 2015

Sosten a l'independentista savoiard Fabrice Dugerdil




Sosten a l’independentista savoiard Fabrice Dugerdil (occitan)

Avem aprés l’empresonament de l’independentista savoiard Fabrice Dugerdil.


Es un acarnament judiciari especialament regde que menèt En Dugerdil dins las presons francesas. En abril de 2011 foguèt contrarotlat per la gendarmariá amb de placas d’immatriculacion non confòrmas a la lei francesa, ja que portairas d’un numèro “diplomatic” (los movements que n’es sòci, la Direcccion dels Afars Savoiards e lo Govèrn Provisòri de l’Estat de Savòia, considèran illegala l’annexion de Savòia per l’estat francés). Pendent aquel contraròtle refusèt de donar sa documentacion d’identitat.


En setembre de 2011 foguèt condemnat per aquestes faches a una multa que refusèt de pagar. Aquel refús portèt la multa a 3600 € (40 € per jorn pendent 90 jorns). En septembre de 2014 lo jutge d’aplicacion de las penas lo condemnèt a 3 meses d’empresonament per refús de pagar. Lo 22 de genièr de 2015, los gendarmas l’informèron que lo vendrián menar en preson dintre pauc. Lo venguèron quèrre lo 28 de genièr. Aprofechèron son arrestacion per l’interrogar sur un autre afar: lo 8 de novembre de 2014 aviá organizat una manifestacion a Bonneville per protestar contra la destruccion programada de l’ancian espital bastit del temps que Savòia fasiá partida del l’estat independent de Savòia (Piemont-Sardenha).


Fabrice Dugerdil es ara en preson per tres meses.

La definicion internacionalament admesa d’un presonièr politic es qu’almens un d’aqueles 5 critèris siá reconegut:
1/ Detencion impausada en violacion de las libertats fondamentalas (de pensada, consciéncia, expression, associacion)
2/ Detencion per de rasons politicas sens relacion amb una infraccion
3/ Disproporcion, per de rasons politicas, entre la durada de la detencion e la gravitat de l’infraccion
4/ Discriminacion d’una persona al par d’autras per de rasons politicas
5/ Irregularitat de la procedura de jutjament per de rasons politicas

Iniciativa per Occitània considèra qu’almens los ponches 1 e 3 s’aplican a la detencion de Fabrice Dugerdil. D’efièch pas cap d’autra pena de substitucion li foguèt pas prepausada pel jutge. Pensam qu’una pena de tres meses de preson per de rasons ligadas a l’activisme politic, mas sustot totalament non-violentas, donan al militant independentista l’estatut de presonièr politic.

Fabrice Dugerdil a entamenat una cauma de la fam lo 2 de febrièr. Sa femna a pas encara recebut l’autorizacion de lo vesitar dins sa preson.

Iniciativa per Occitània pòrta sosten a l’activista independentista Fabrice Dugerdil e demanda la siá liberacion immediata.

***

Soutien à l’indépendantiste savoyard Fabrice Dugerdil (français)

Nous avons appris l’emprisonnement de l’indépendantiste savoyard Fabrice Dugerdil.

C’est un acharnement judiciaire particulièrement raide qui a mené M. Dugerdil dans les prisons françaises. En avril 2011, il a été contrôlé par la gendarmerie avec des plaques d’immatriculation non conformes à la loi française, car porteuses d’un numéro “diplomatique” (les mouvements dont il est membre, la Direction des affaires savoisiennes et le Gouvernement provisoire de l’État de Savoie, considèrent que l’annexion de la Savoie par l’État français est illégale). Pendant ce contrôle, il a refusé de donner ses papiers d’identité.

En septembre 2011, il a été condamné pour ces faits à une amende qu’il a refusé de payer. Ce refus a porté l’amende à 3600 € (40 € par jour pendant 90 jours). En septembre 2014, le juge d’application des peines l’a condamné à 3 mois d’emprisonnement pour refus de payer. Le 22 janvier 2015, les gendarmes l’ont informé qu’ils viendraient l’emmener en prison sous peu. Ils sont venus le chercher le 28 janvier. Ils ont mis a profit son arrestation pour l’interroger sur une autre affaire: le 8 novembre 2014, il avait organisé une manifestation à Bonneville pour protester contre la destruction programmée de l’ancien hôpital construit à l’époque où la Savoie faisait partie de l’État indépendant de Savoie (Piémont-Sardaigne).

Fabrice Dugerdil est maintenant en prison pour trois mois.

La définition internationalement admise d’un prisonnier politique est qu’au moins l’un de ces 5 critères soit reconnu:
1/ Détention imposée en violation des libertés fondamentales (de pensée, conscience, expression, association)
2/ Détention pour des raisons politiques sans relation avec une infraction
3/ Disproportion, pour des raisons politiques, entre la durée de la détention et la gravité de l’infraction
4/ Discrimination d’une personne en comparaison avec d’autres pour des raisons politiques
5/ Irrégularité de la procédure de jugement pour des raisons politiques

Iniciativa per Occitània considère qu’au moins les points 1 et 3 s’appliquent à la détention de Fabrice Dugerdil. En effet, aucune autre peine de substitution ne lui a été proposée par le juge. Nous pensons qu’une peine de trois mois de prison pour des raisons liées à l’activisme politique, mais surtout totalement non violentes, donnent au militant indépendantiste le statut de prisonnier politique.

Fabrice Dugerdil a entamé une grève de la faim le 2 février. Sa femme n’a pas encore reçu l’autorisation de lui rendre visite dans sa prison.

Iniciativa per Occitània apporte son soutien à l’activiste indépendantiste Fabrice Dugerdil et demande sa libération immédiate.