IPO sus/sur/su Twitter

Desenant, Iniciativa per Occitània es sus Twitter: Iniciativa/Occitània

Ormai Iniciativa per Occitània è su Twitter: Iniciativa/Occitània

Désormais, Iniciativa per Occitània est sur Twitter: Iniciativa/Occitània

L'occitanisme es en crisi

Robèrt Lafont a teorizat lei fasas d’acceleracion e de crisi dau renaissentisme occitan. Segon eu tres “temps” marcan lei fasas d’acceleracion.


Temps Un

Lo Temps Un es lo periòde d’expansion dau Felibritge e de dignificacion parciala de la lenga occitana, a la fin dau sègle XIX.

Lo Temps Un es seguit de la lònga decadéncia dau Felibritge pendent tot lo sègle XX, de son enfonzament dins la literatura estrecha e dins lo mite d’Arcadia, çò es, dins l’idealizacion passadista e desconnectada dei movements sociaus. Pendent aquela crisi i a pasmens d’occitanistas que rèstan visionaris, mai son minoritaris e pauc escotats.


Temps Dos

Lo Temps Dos es aqueu de l’occitanisme “classic” que s’espandís a la fin deis ans 1960 e au començament deis ans 1970. Fa coexistir la creacion literària, la volontat d’estendre l’usatge sociau de la lenga, l’expansion de la nòrma classica, lei primiers assais d’occitan estandard, l’explosion de la creacion literària e musicala en occitan (mai la musica, pasmens, rèsta tròp limitada a un orizont hippie: cançon de tèxt, folk, un pauc de jazz e pas mai). E mai i a una politizacion interessanta... Robèrt Lafont es l’intellectuau principau d’aqueu Temps Dos.

Lo Temps Dos es seguit, dins la fin deis ans 1970 e dins leis ans 1980, per una crisi terribla. L’occitanisme arriba pas de concretizar leis espèrs sociaus e politics. Es de mai en mai resignat, passadista, “neofelibrenc” e localista. S’enfonza dins un mite d’Arcadia renovelat. Un indici d’aquela crisi es l’antinormisme: lo refús d’aplicar la nòrma classica e sa destabilizacion en de desenats de tendéncias. Ives Roqueta simboliza aquela regression de l’occitanisme en crisi e es pas per azard que s’opausa violentament a la cèrca de qualitat de Robèrt Lafont.


Temps Tres

Robèrt Lafont contunha de trabalhar coratjosament per preparar de temps pus aürós. Teoriza l’arribada imminenta d’un Temps Tres dins son libre entitolat justament Temps Tres, paregut en 1991 (editat per Trabucaire).

Efectivament, un Temps Tres emergís ben pendent leis ans 1990 e 2000 amb de novèlei dinamicas de l’occitanisme: militants rejovenits, assais de professionalizacion, extension dei possibilitats d’ensenhament de l’occitan (public e associatiu, FÈLCO e Calandreta, CAPES d’occitan...), autonomia parciala d’Aran amb oficializacion de l’occitan en 1990, proteccion legala de l’occitan dins lei Valadas en 1999, renovacion de la creacion musicala e literària, restauracion parciala de la nòrma de la lenga amb lo Conseu de la Lenga Occitana (CLO) en 1996.

Tanben devèm notar l’aparicion de movements politics pus joves, instables, contradictòris mai dinamics: la Linha Imaginòt qu’es tristament francista mai que defend ben la creacion, lo CRÒC qu’es independentista e d’esquèrra, Gardarem la Tèrra qu’es altermondialista, etc.

Robèrt Lafont acompanha e noirís aqueu Temps Tres mai, malaürosament, quita nòstre mond en 2009.


E ara: la crisi tornarmai?

Ara, dins leis ans 2010, siáu pas segur que poscam dire que sigam encara dins lo Temps Tres. Meis amics Terric Lausa e Gerard-Joan Barceló pensan, e mai, qu’avèm retrobat una crisi grèva de l’occitanisme. Terric Lausa espèra ja l’aparicion d’un Temps Quatre per sortir deis andronas actualas. Cresi que meis amics an rason. Assagem de far lo bilanç de çò que se passa dins l’occitanisme dins aquesteis ans 2010.

Çò que sembla d’avançar:
 

— La diversificacion dei mèdias d’informacion generalista en occitan coma Jornalet o la nòva version de la Setmana.

— La perennizacion d’un espaci de comunicacion en occitan sus Internet. Remplaça pas la practica orala declinanta, de segur, mai ajuda a mantenir una esfèra de la practica en occitan e connècta melhor lei partisans de la lenga.

— La volontat de consolidar de l’estatut oficiau de la lenga occitana en Aran e dins lo Principat de Catalonha, amb divèrs estatuts e divèrsei leis renovadas.

— Una creativitat musicala que contunha en occitan e qu’abraça d’estils de mai en mai divèrs.

— L’acceptacion dei concèptes de lenga occitana e d’Occitània, especialament en Provença. Quasi degun lei contèsta pus dins l’opinion publica (en defòra de dos o tres grops d’illuminats).

Çò que sembla de recular, pasmens, dona de rasons de s’inquietar:
 

— L’usatge sociau de l’occitan contunha de recular. L’occitanisme es incapable de compensar la pèrda dei locutors primaris (dichs “naturaus”) per una aumentacion sufisenta dei locutors segondaris. L’occitanisme es incapable de generalizar un liame fegond entre lei doas categorias de locutors, que sovent s’ignòran mutualament. Lei locutors primaris son de mai en mai isolats, vielhs e près de la desparicion, e pauc d’elei an consciéncia de la valor de sa lenga. Son mai que mai lei locutors segondaris, tròp pauc nombrós, que s’interconnèctan per Internet e lei rets sociaus e que pensan l’occitan coma una lenga modèrna.

— Lei manifestacions massissas per l’occitan, dau labèl Anem Òc, pèrdon de fòrça e d’unitat. S’enfonzan dins lei revendicacions timidas e ineficaças, dins l’envielhiment, dins lei divisions en capèlas e dins l’ultralocalisme bas-lengadocian. Obtenon pas un melhorament significatiu de l’usatge de l’occitan (e mai se i participi e se lei sosteni per principi).

— Leis autoritats fan pas çò que devon per sauvar l’occitan. En Aran, maugrat leis estatuts e lei leis novèlas, l’usatge de l’occitan baissa dramaticament davant l’espanhòu. Dins lei Valadas, maugrat un occitanisme meritòri, l’occitan se parla mens fàcia a l’italian. A Mónegue, i a ges de dinamica visibla. E dins l’estat francés, lei poders publics son de mai en mai ostils coma o podèm veire amb leis agressions e lei promessas escarnidas sota Sarkozy e Hollande.

— La creativitat en occitan se manten, o ai dich çai sus... mai se manten pas tant... La literatura a de mens en mens d’escrivans novèus e joves (e totun n’i a), benlèu perque lei joves mestrejan mens ben l’expression de qualitat en occitan. La musica se diversifica... mai siam encara luenh d’una ofèrta completa d’estils. Avèm aquerit en occitan, tròp tardivament, de rap, de jazz e, encara pus tardivament, de punk e de black metal. Avèm pas encara de gotic, ni d’R’n’B, ni d’elèctro (o quasi pas), ni de dubstep en occitan... Per ieu es un signe d’anomalia e de feblesa inacceptabla.

— L’ensenhament de l’occitan arriba pas de se desvolopar de maniera decisiva. Lei Calandretas an d’implantacions regionalas inegalas (lei trobam sustot en zòna gascona e lengadociana) e leis escolans que ne sòrton, en granda majoritat, cèssan de parlar occitan. Pauc de calandrons alimentan lei rengs deis occitanistas novèus. L’ensenhament public de l’occitan es de mai en mai menaçat per de supressions de mejans o de pòsts, per de liquidacions de sits bilingües, per una interdiccion de l’occitan dins certanei filieras e dins certanei territòris, per un sabotatge frequent venent de la ierarquia, per una reforma dau collègi catastrofica...

 

— Fòrça occitanistas contunhan de creire, boniàs e ninòis que son, que la lenga se sauvarà sustot per l’escòla e per una politica de l’estat que ven jamai. Li còsta de comprene qu’una lenga se sauva per la practica dins lei familhas, entre lei generacions e en creant de nuclèus de parlants actius. L’escòla e l’estat seguisson lei familhas e lei nuclèus de parlants actius. L’escòla e l’estat remplaçan jamai lei familhas e lei nuclèus de parlants actius.

— La sociolingüistica dau conflicte, impulsada per Robèrt Lafont entretant, es per definicion la sciéncia mai adeqüata per sauvar una lenga. Pasmens rèsta escandalosament marginala dins la lingüistica occitana e dins leis universitats d’Occitània (lo pauc de sociolingüistica universitària es quasi monopolizada per leis estudis francofrancés). I a encara tròp de gents que revendican lo bilingüisme occitan-francés quand, en realitat, lo bilingüisme fa avançar lo francés e fa recular l’occitan.

— La nòrma de l’occitan es defenduda per tròp pauc d’institucions —que Jornalet ne fa partida—. Lo Conseu de la Lenga Occitana (CLO) rèsta la sola referéncia seriosa mai es intrat en paralisi totala après 2007. L’antinormisme rèsta tròp present a causa de la fòrça d’inèrcia, a causa de la peresa intellectuala de certanei dirigents occitanistas e a causa dei novèleis “acadèmias” que son incapablas de difusar una nòrma (AOCGS, CPLO, IEA).

— Lo localisme estequit e la manca de solidaritat entre leis occitanistas de diferentei regions: encara fan de devastacions...

— La politizacion de l’occitanisme retomba a de nivèus terriblament bas, levat d’excepcions. Avèm tròp pauc d’elegits occitanistas e pesan tròp pauc sus la vida publica. La question occitana s’impausa pas dins lei debats. Rèsta marginala. Avèm d’elegits de valor coma Mireia Boya e Patric Roux, mai n’avèm talament pauc. Lei movements politics occitanistas arriban pas a difusar un programa politic ausible, comprensible e entosiasta. Certanei grops oblidan completament leis ensenhaments de Robèrt Lafont e de Francés Fontan...

 

— Lo bilanç non critic de l’òbra d’Ives Roqueta, qu’a engendrat pasmens una granda part dei blocatges actuaus, indica ben la feblesa de l’occitanisme.

Donc lo bilanç es pas flame. Que òc, siam dins una novèla crisi de l’occitanisme. Lo bèu primtemps entosiasta dau Temps Tres sembla ben acabat, finit e enterrat. Avèm de motius d’esperança, avèm d’òbras interessantas, mai lei fòrças negativas de l’inèrcia, dau minimalisme e de la somission volontària a França, encara uei, empachan de crear la dinamica necessària per assegurar la subrevida de l’occitan.

Aquò o disi pas per nos enfonzar dins lo desespèr. O disi per nos revelhar, per s’acontentar pas de çò que ja avèm. O disi per que comprengam que l’essenciau dau trabalh rèsta de faire. Anem a l’òbra! Amb estrambòrd!

Domergue SUMIEN

Article tanben publicat dins Jornalet

Visca l’acòrdi de govèrn en Catalonha! Felicitacions a Mireia Boya! (comunicat en occitan, francés, anglés e esperanto)

(en occitan)

Visca l’acòrdi de govèrn en Catalonha! Felicitacions a Mireia Boya!         

Iniciativa per Occitània se regaudís del recent acòrdi de govèrn en Catalonha, que vegèt Carles Puigdemont èsser investit coma lo 130n president de la Generalitat de Catalonha amb la majoritat absoluda dels vòtes.

Del nòstre ponch de vista, aquel acòrdi es la pròva qu’un pas decisiu s’es engatjat cap al procès social e democratic d’independéncia de Catalonha.

Es tanben la pròva que las querèlas de partits e los interèsses individuals se son daissats de costat dins l’amira de bastir un nòu projècte de societat per totes los que vivon dins aquel país.

Es pereu lo signe que nos es permés d’esperar un melhorament significatiu de la situacion de la lenga occitana que la Generalitat de Catalonha reconeis son estatut oficial. E amb la reüssida del projècte independentista, l’occitan poiriá venir pel primièr còp dins son istòria la lenga oficiala d’una institucion estatala autonòma e liura.

Es pas necite de remembrar quant son estats fòrts, tot de long de l’istòria, los ligams culturals e umans entre los espacis occitans e catalans, e quant lo procès d’independéncia catalan pòt èsser una fòrça e una inspiracion continua pel desvolopament d’un projècte social e democratic en Occitània.

Una pròva n’es que Mireia Boya, deputada occitanista aranesa de la CUP, ven tot just d’èsser elegida al Parlament de Catalonha.

Nos fisam de l’intelligéncia e de la qualitat d’engatjament de Mireia Boya, e la felicitam de tot nòstre còr per la granda reüssida que representa son eleccion al Parlament catalan. 

Iniciativa per Occitània

12 de genièr de 2016

***

(en français)

Vive l’accord de gouvernement en Catalogne! Félicitations à Mireia Boya!

Iniciativa per Occitània se réjouit du récent accord de gouvernement en Catalogne : cet accord a vu Carles Puigdemont investi en tant que 130e président de la Généralité de Catalogne avec la majorité absolue des votes.

De notre point de vue, cet accord est la preuve qu’un pas décisif est engagé vers le processus social et démocratique d’indépendance de la Catalogne.

C’est aussi la preuve que les querelles de partis et les intérêts individuels ont été laissés de côté afin de construire un nouveau projet de société pour tous ceux qui vivent dans ce pays.

C’est également le signe qu’il nous est permis d’espérer une amélioration significative de la situation de la langue occitane, dont la Généralité de Catalogne reconnait le statut officiel. Et avec la réussite de ce projet indépendantiste, l’occitan pourrait devenir pour la première fois dans son histoire la langue officielle d’une institution d’État, autonome et libre.

Il n’est pas nécessaire de rappeler combien ont été forts, tout au long de l’histoire, les liens culturels et humains entre les espaces occitans et catalans, et combien le processus d’indépendance catalan peut être une force et une inspiration continue pour le développement d’un projet social et démocratique en Occitanie.

Preuve en est que Mireia Boya, députée occitaniste du Val d’Aran, sur la liste de la CUP, vient tout juste d’être élue au Parlement de Catalogne.

Nous avons confiance en l’intelligence et en la qualité de l’engagement de Mireia Boya. Et nous la félicitons de tout notre cœur pour la grande réussite que représente son élection au Parlement catalan.

Iniciativa per Occitània

12 janvier 2016

***

(in English)

Long live the agreement in Catalonia! Congratulations to Mireia Boya!

Iniciativa per Occitània welcomes the recent agreement in Catalonia which allowed Carles Puigdemont to be invested as 130th President of the Generalitat of Catalonia, with the absolute majority of votes.

From our standpoint, this agreement is a proof that a decisive step has been initiated towards a social and democratic process of independence in Catalonia.

It is also the proof that the quarrel between the main parties and the individual interests have been set aside in order to build a new social project for all those who live in this country.

It is also a sign that we may hope a significant improvement of the Occitan language situation.

Indeed, the Generalitat of Catalonia already recognizes its official status, and with the success of the independence project, Occitan could become, for the first time in its history, the official language of a free and autonomous state institution.

It is not necessary to recall how strong the cultural and human relations between the Catalan and the Occitan areas have been throughout history, and how much the process of Catalan independence can be seen as strong and continuous inspiration for the development of a social and democratic project of society in Occitania.

The proof of this is that Mireia Boya, on the list of CUP in Val d’Aran, has just been elected to the Parliament of Catalonia.

We have confidence in the intelligence and the quality of Mireia Boya’s commitment.

We congratulate her, with all of our heart, for the great success her election to the Catalan Parliament represents.

Iniciativa per Occitània

January the 12th, 2016

***

(esperantlingve)

Vivu la interkonsento por registaro en Katalunio! Gratulon al Mireia Boya!

Iniciativa per Occitània (Iniciato por Okcitanio) ĝojas pro la ĵusa interkonsento en Katalunio, kiu ebligis, ke Carles Puigdemont estu investita kiel 130an prezidanton de la Registaro de Katalunio per absoluta plimulto da voĉdonoj.

Laŭ nia vidpunkto, tiu interkonsento pruvas, ke decida antaŭpaŝo stariĝis por la socia kaj demokratia procezo pri sendependiĝo de Katalunio.

Ĝi ankaŭ pruvas, ke la kvereloj inter partiaj kaj individuaj interesoj estis flanklasitaj cele al la konstruo de nova socia projekto por ĉiuj kiuj loĝas en tiu lando.

Ĝi ankaŭ estas montrilo, ke ni povas esperi kontentigan plibonigon por la situacio de la okcitana lingvo, nuntempe rekonata kiel oficiala lingvo de la Registaro de Katalunio per speciala leĝaro. Tial, la sukceso de la sendependisma projekto ebligos la okcitanan, por la unua fojo en ĝia historio, iĝi oficiala lingvo de ŝtato libera kaj sendependa.

Ne necesas memorigi kiel fortaj estadis, longe de la historio, la kulturaj kaj homaj ligiloj inter la landaro okcitana kaj kataluna, kaj kiel, do, povas la kataluna proceso pri sendependiĝo ade inspiri la disvolvigon de socia kaj demokratia projekto en Okcitanio.

Pruvo estas, ke Mireia Boya, okcitanisma deputito el Arano de la partio CUP, estis ĵus elektita en la Parlamento de Katalunio.

Ni fidas je la inteligento kaj la engaĝiĝ-kapablo de Mireia Boya, kaj ni tutkore gratulas ŝin pro la granda sukceso kiu signifas ŝian elekton en la kataluna Parlamento.

Iniciativa per Occitània

12an de januaro 2016

Lo PNO nos decep, ailàs / Le PNO nous déçoit, hélas

Lo PNO nos decep, ailàs

Avèm demandat una clarificacion al Partit de la Nacion Occitana (PNO) après de paraulas islamofòbas publicadas dins sa revista, lo Lugar, e signadas per Sèrgi Viaule e Pèire Pessamessa. Malaürosament lo PNO nos decep.

Cèrtas, lo PNO nos a respondut en afirmant que vòl restar dins l’antiracisme e l’umanisme de son fondador Francés Fontan (vejatz sa responsa aquí). Mas aquel meteis PNO refusa de condemnar l’islamofobia exprimida dins sa pròpria revista. Es una actitud illogica. Lo PNO fa una error politica.

Sostenèm lo drech de criticar las religions. Mas acceptam pas l’òdi contra una partida de nòstra populacion occitana en foncion de sa religion. La laïcitat —per definicion—  es la proteccion nèutra de las religions e de las non-cresenças. Volèm èsser clars sus una causa: la nacion occitana aperten a totes sos abitants, e los occitans de religion musulmana son una partida integranta de nòstre pòble occitan.

Sèrgi Viaule e Pèire Pessamessa foguèron a passat temps de militants de tria e d’escrivans de valor, mas uèi an decidit de se pèrdre... e an abandonat las valors de l'occitanisme. O planhèm.

Lo PNO teniá un ròtle dins la pensada politica occitana. Mas uèi s’aluènha perilhosament de la pensada umanista de son fondador Francés Fontan. O planhèm.

Iniciativa per Occitània

8 de genièr de 2016

Le PNO nous déçoit, hélas

Nous avons demandé une clarification au Parti de la Nation Occitane (PNO) après des propos islamophobes publiés dins sa revue, lo Lugar, et signés par Serge Viaule et Pierre Pessemesse. Malheureusement le PNO nous déçoit.

Certes, le PNO nous a répondu en affirmant qu'il veut rester dans l’antiracisme et l'humanisme de son fondateur François Fontan (voyez sa réponse ici). Mais ce même PNO refuse de condamner l'islamophobie exprimée dans sa propre revue. C'est une attitude illogique. Le PNO commet une erreur politique.

Nous soutenons le droit de critiquer les religions. Mais nous n'acceptons pas la haine contre une partie de notre population occitane en fonction de sa religion. La laïcité, par définition, c'est la protection neutre des religions et des non-croyances. Nous voulons être clairs sur una chose: la nation occitane appartient à tous ses habitants, et les Occitans de religion musulmane sont une partie intégrante de notre peuple occitan.

Serge Viaule et Pierre Pessemesse ont été dans le passé des militants remarquables et des écrivains de valeur, mais aujourd'hui ils ont décidé de se perdre... et ils ont abandonné les valeurs de l'occitanisme. Nous le déplorons.

Le PNO tenait un rôle dans la pensée politique occitane. Mais aujourd'hui il s'éloigne dangereusement de la pensée humaniste de son fondateur François Fontan. Nous le déplorons.

Iniciativa per Occitània

8 janvier 2016

Demanda de clarificacion al PNO / Demande de clarification au PNO

comunicat de premsa

Demanda de clarificacion al PNO

Iniciativa per Occitània, coma laboratòri politic, trabalha per la liberacion d’Occitània e del pòble occitan dins tota sa diversitat. Sèm un movement patriotic, independentista e nacionalista amb una connotacion progressista. Defendèm la nacion occitana dins una volontat de creativitat culturala, de liberacion, de dobertura al Mond, d’internacionalisme e d’amistat entre los pòbles. Nòstre nacionalisme occitan es dobèrt: sèm contra lo chauvinisme, contra lo racisme e contra tota forma de crispacion dins una “identitat” rigida.

Aquestas valors son las que caracterizan l’occitanisme politic. Son comunas a Francés Fontan e Robèrt Lafont, los dos intellectuals màgers qu’an dedicat lor vida a la nacion occitana. Tanben son las valors comunas als movements politics occitans coma Libertat, lo PNO (fondat per Francés Fontan), lo PÒC, País Nòstre, los partits araneses, Iniciativa per Occitània, etc. Aquestas valors son afortidas per l’Assemblada Nacionala Occitana (ANÒC) qu’es a nàisser d’aquesta passa.

Uèi, sèm revoltats e estabosits fàcia als discorses d’òdi contra los musulmans exprimits per certans membres del PNO e per certans redactors del Lugar, la revista del PNO.

Dins lo Lugar nº114 (prima de 2015), p. 21, Pèire Pessamessa se descriu coma “ieu, islamofòb de totjorn” e afirma: “mancan pas lei rasons d’èstre islamofòb”. Dins lo meteis numèro del Lugar, p. 35, Sèrgi Viaule escriu: “Aquel concèpte [la libertat] es vengut lo motor de totas las societats umanas. Sols, d’aquesta passa, los musulmans ensajan de tornar enrèire e refusan aquel modèl. Ensajan de tornar als mites e a las practicas barbaras de l’Antiquitat.”

Aquestas generalizacions contra los musulmans son inacceptablas perque son desmentidas per los faches concrets. Aicí en Occitània, de musulmans se mobilizan contra lo fanatisme pseudoislamic e per la libertat. Es lo cas, per exemple, dels musulmans de Besièrs que defendon una glèisa crestiana a Calendas en 2015. Es lo cas de Tariq Ubru, l’imam influent de Bordèu... Aicí en Occitània, coneissèm de musulmans que s’engatjan dins lo movement occitanista, que parlan occitan e que defendon lo país. Los nacionalistas occitans —lo PNO entretant— an lo dever moral e intellectual de se dobrir a totes los occitans, compreses los occitans musulmans, per lor prepausar un projècte de societat e per los preveire dins la nacion occitana comuna.

Lo fondador del PNO, Francés Fontan, qu’es pas pus amb nosautres, auriá pas jamai tolerat de talas paraulas d’òdi contra los musulmans. Los d’Iniciativa per Occitània coneissèm l’òbra completa de Fontan. L’avèm legida. Sabèm legir. E es clar que Fontan a totjorn dich que la nacion occitana a vocacion d’inclure totes los abitants d’Occitània, quinas que sián lors religions e lors originas.

Nòstra defensa dels musulmans d’Occitània es non negociabla. Coma nòstra defensa dels josieus, dels crestians o dels non-cresents d’Occitània es non negociabla.

L’islamofobia (l’òdi dels musulmans) es un òdi contra una partida de la nacion occitana, donc es una traïson del nacionalisme occitan.

En mai d’aquò, aquela islamofobia es una importacion del discors de l’extrèma drecha francesa. Donc es dos còps una traïson del nacionalisme occitan.

Menam un combat determinat contra lo fanatisme pseudoislamic. Simplament, los faches demòstran que, dins la nòstra societat occitana, èsser “musulman” significa pas èsser “fanatic”.

Defendèm lo drech de cada individú de criticar o de lausar las religions. Mas l’islamofobia de Sèrgi Viaule e de Pèire Pessamessa a pas lo mendre rapòrt amb qualque critica racionala de la religion musulmana: lor islamofobia es una ràbia obsessionala dirigida contra una partida de nòstra populacion, es un òdi que lo repetisson sens relambi, quasi cada jorn, dins lors articles e dins lors comentaris sus Internet. Se tracta ben d’un òdi compulsiu, fòra tota racionalitat.

Los membres d’Iniciativa per Occitània, avèm defendut mai d’un còp lo PNO quand foguèt acusat injustament d’èsser d’extrèma drecha. Totjorn avèm ramentat en public las valors umanistas de Francés Fontan. Totjorn avèm manifestat nòstra solidaritat e nòstra amistat amb los camaradas del PNO, coma o avèm fach amb de camaradas de Libertat o del PÒC.

Mas ara, lo PNO s’es mes dins una situacion impossibla e li demandam de clarificar sa posicion rapidament.

— Vòl encara, lo PNO, bastir la nacion occitana amb totes sos abitants, de totas originas e de totas religions, musulmans compreses, coma o voliá Francés Fontan?

— Vòl encara, lo PNO, combatre lo racisme e l’intolerància, coma o fasiá Francés Fontan?

— Es prèst, lo PNO, a remetre d’òrdre dins la presa de paraula de sos aderents?

— Es prèst, lo PNO, a remetre d’òrdre dins sa revista lo Lugar, per que siá tornarmai en acòrdi amb los principis nacionalistas, umanistas e antiracistas de Francés Fontan?

Lo PNO jòga uèi sa cresabilitat coma movement nacionalista. Esperam que se salvarà d’aquesta situacion. Iniciativa per Occitània se determinarà en foncion de la responsa del PNO. E gardam espèr.

* * *

communiqué de presse

Demande de clarification au PNO

Iniciativa per Occitània, en tant que laboratoire politique, travaille pour la libération de l’Occitanie et du peuple occitan dans toute sa diversité. Nous sommes un mouvement patriotique, indépendantiste et nationaliste avec une connotation progressiste. Nous défendons la nation occitane dans une volonté de créativité culturelle, de libération, d’ouverture au monde, d’internationalisme et d’amitié entre les peuples. Notre nationalisme occitan est ouvert: nous sommes contre le chauvinisme, contre le racisme et contre toute forme de crispation dans une “identité” rigide.

Ces valeurs sont celles qui caractérisent l’occitanisme politique. Elles sont communes à François Fontan et Robert Lafont, les deux intellectuels majeurs qui ont dédié leur vie à la nation occitane. Ce sont aussi des valeurs communes aux mouvements politiques occitans comme Libertat, le PNO (fondé par François Fontan), le PÒC, País Nòstre, les partis aranais, Iniciativa per Occitània, etc. Ces valeurs sont affirmées par l’Assemblée nationale occitane (ANÒC) qui est en train de naitre en ce moment.

Aujourd’hui, nous sommes révoltés et stupéfaits face aux discours de haine contre les musulmans exprimés par certains membres du PNO et par certains rédacteurs de lo Lugar, la revue du PNO.

Dans lo Lugar nº114 (printemps 2015), p. 21, Pierre Pessemesse se décrit comme “moi, islamophobe de toujours”, et il affirme: “les raisons ne manquent pas d’être islamophobe”. Dans le même numéro de lo Lugar, p. 35, Serge Viaule écrit: “Ce concept [la liberté] est devenu le moteur de toutes les sociétés humaines. Seuls, en ce moment, les musulmans essaient de revenir en arrière et refusent ce modèle. Ils essaient de revenir aux mythes et aux pratiques barbares de l’Antiquité.”

Ces généralisations contre les musulmans sont inacceptables parce qu’elles sont démenties par les faits concrets. Ici en Occitanie, des musulmans se mobilisent contre le fanatisme pseudo-islamique et pour la liberté. C’est la cas, par exemple, des musulmans de Béziers qui défendent une église chrétienne en ce Noël 2015. C’est le cas de Tariq Oubrou, l’imam influent de Bordeaux… Ici en Occitanie, nous connaissons des musulmans qui s’engagent dans le mouvement occitaniste, qui parlent occitan et qui défendent le pays. Les nationalistes occitans —et le PNO entre autres— ont le devoir moral et intellectuel de s’ouvrir à tous les Occitans, y compris aux Occitans musulmans, pour leur proposer un projet de société et pour les prévoir dans la nation occitane commune.

Le fondateur du PNO, François Fontan, qui n’est plus parmi nous, n’aurait jamais toléré de telles paroles de haine contre les musulmans. Nous, membres d’Iniciativa per Occitània, nous connaissons l’œuvre complète de Fontan. Nous l’avons lue. Nous savons lire. Or, Fontan a toujours dit clairement que la nation occitane a vocation à inclure tous les habitants de l’Occitanie, quelles que soient leurs religions et leurs origines.

Notre défense des musulmans d’Occitanie n’est pas négociable. De même, notre défense des juifs, des chrétiens ou des non-croyants d’Occitanie n’est pas négociable.

L’islamophobie (la haine des musulmans) est une haine contre une partie de la nation occitane, donc c’est une trahison du nationalisme occitan.

De plus, cette islamophobie est une importation du discours de l’extrême droite française. Donc c’est deux fois une trahison du nationalisme occitan.

Nous menons un combat déterminé contre le fanatisme pseudo-islamique. Simplement, les faits démontrent que, dans notre société occitane, être “musulman” ne signifie pas être “fanatique”.

Nous défendons le droit de chaque individu de critiquer ou de louer les religions. Mais l’islamophobie de Serge Viaule et de Pierre Pessemesse n’a pas le moindre rapport avec une quelconque critique rationnelle de la religion musulmane: leur islamophobie est une rage obsessionnelle dirigée contre une partie de notre population, c’est une haine qu’ils répètent sans cesse, presque chaque jour, dans leurs articles et dans leurs commentaires sur Internet. Il s’agit bien d’une haine compulsive, hors de toute rationalité.

Nous, les membres d’Iniciativa per Occitània, nous avons défendu plusieurs fois le PNO quand il a été accusé injustement d’être d’extrême droite. Nous avons toujours rappelé en public les valeurs humanistes de François Fontan. Nous avons toujours manifesté notre solidarité et notre amitié avec les camarades du PNO, comme nous l’avons fait avec des camarades de Libertat ou du PÒC.

Mais maintenant, le PNO s’est mis dans une situation impossible et nous lui demandons de clarifier sa position rapidement.

— Est-ce que le PNO veut encore construire la nation occitane avec tous ses habitants, de toutes origines et de toutes religions, musulmans compris, comme le voulait François Fontan?

— Est-ce que le PNO veut encore combattre le racisme et l’intolérance, comme le faisait François Fontan?

— Est-ce que le PNO est prêt à remettre de l’ordre dans les prises de parole de ses adhérents?

— Est-ce que le PNO est prêt à remettre de l’ordre dans sa revue lo Lugar afin qu’elle soit de nouveau en accord avec les principes nationalistes, humanistes et antiracistes de François Fontan?

Le PNO joue aujourd’hui sa crédibilité en tant que mouvement nationaliste. Nous espérons qu’il se sauvera de cette situation. Iniciativa per Occitània se déterminera en fonction de la réponse du PNO. Et nous gardons espoir.

Corsega: non al racisme, non a las manipòlas, solidaritat amb lo pòble còrs / Corse: non au racisme, non aux manipulations, solidarité avec le peuple corse

Corsega : non al racisme, non a las manipòlas, solidaritat amb lo pòble còrs

Lo 13 de decembre passat, las fòrças nacionalistas còrsas obtenguèron una victòria istorica a las eleccions territorialas. Quasi silenciada per los mèdias franceses lo ser dels resultats, aquela victòria representa una esperança per totes los pòbles en lucha per lor libertat, e per tant tanben per Occitània.

Lèu-lèu, aquela victòria a pasmens encolerit los chauvinistas franceses mai encanhats, furioses d’ausir lo president de l’Assemblada de Corsega, l’independentista Jean-Guy Talamoni, prononciar son discors d’investidura lo 17 de decembre tot en lenga còrsa. E una setmana puèi, d’incidents porgiguèron d’autras escasenças per acusar lo nacionalisme còrs de totes los vicis. Dins un quartièr popular d’Aiacciu, dos encagolats assalhiguèron de pompièrs en tot téner de prepauses racistas contra los còrses. L’endeman, un rassemblament de sosten als pompièrs degenerèt en actes de violéncia antiaràbia. Los mèdias parlèron pauc del primièr incident, mas fòrça mai del segond, e l’eurodeputat socialchauvinista Jean-Luc Mélenchon escriguèt un article ont, coma o fa sovent, amalgamava lo nacionalisme còrs e la violéncia, e comparava los actes racistas amb lo discors en lenga còrsa de Talamoni. Totun, malgrat un relatiu silenci mediatic a aquel prepaus, tant lo president del Conselh Executiu, l’autonomista Gilles Simeoni, coma Talamoni condemnèron clarament lo racisme antiarabi coma contrari a la tradicion politica nacionalista còrsa.

Coma los independentistas còrses d’esquèrra del movement A Manca, nos pausam de questions sus  la facilitat amb la quala los racistas se poguèron organizar per manifestar –malgrat l’estat d’emergéncia– e assalhir una sala de pregària musulmana, e sus l’impunitat totala de gropusculs d’extrèma drecha, que pasmens apelavan a l’òdi suls rets socials. Un desenat de jorns après la victòria nacionalista còrsa, aqueles deplorables incidents pòdon èsser utils a de manipòlas qu’ensajan de discreditar lo nacionalisme còrs, pasmens non racista, dobèrt a totes los estatjants de l’illa de quina que siá origina.

Iniciativa per Occitània vòl doncas dire clarament que, se condemnam energicament totas las formas de racisme, acceptarem pas tanpauc los amalgamas qu’assòcien de manièra malonèsta los movements de liberacion nacionala a l’extrèma drecha. Afortissèm nòstra plena solidaritat amb lo pòble còrs contra un estat francés que contunha de refusar sas demandas majoritàrias legitimas (cooficialitat, estatut de resident, justícia fiscala, liberacion dels prisonièrs politics) e que son chauvinisme desvolopa l’extrèma drecha que combatrem totjorn.

Corse : non au racisme, non aux manipulations, solidarité avec le peuple corse

Le 13 décembre dernier, les forces nationalistes corses ont obtenu une victoire historique aux élections territoriales. Presque passée sous silence par les médias français le soir des résultats, cette victoire représente une espérance pour tous les peuples en lutte pour leur liberté, et par conséquent aussi pour l’Occitanie.

Très vite, cette victoire a cependant mis en colère les chauvinistes français les plus acharnés, furieux d’entendre le président de l’Assemblée de Corse, l’indépendantiste Jean-Guy Talamoni, prononcer son discours d’investiture le 17 décembre tout en langue corse. Et une semaine après, des incidents ont fourni d’autres occasions pour accuser le nationalisme corse de tous les vices. Dans un quartier populaire d’Ajaccio, deux cagoulés ont assailli des pompiers en tenant des propos racistes contre les Corses. Le lendemain, un rassemblement de soutien aux pompiers a dégénéré en actes de violence anti-arabe. Les médias ont peu parlé du premier incident, mais beaucoup plus du second, et le député européen social-chauviniste Jean-Luc Mélenchon a écrit un article où, comme il le fait souvent, il amalgamait le nationalisme corse et la violence, et comparait les actes racistes avec le discours en langue corse de Talamoni. Pourtant, malgré un relatif silence médiatique à ce propos, aussi bien le président du Conseil Exécutif, l’autonomiste Gilles Simeoni, que Talamoni ont clairement condamné le racisme anti-arabe comme contraire à la tradition politique nationaliste corse.

Comme les indépendantistes corses de gauche du mouvement A Manca, nous nous posons des questions sur la facilité avec laquelle les racistes ont pu s’organiser pour manifester –malgré l’état d’urgence– et attaquer une salle de prière musulmane, et sur l’impunité totale de groupuscules d’extrême droite, qui appelaient toutefois à la haine sur les réseaux sociaux. Une dizaine de jours après la victoire nationaliste corse, ces déplorables incidents peuvent être utiles à des manipulations qui essaient de discréditer le nationalisme corse, ouvert à tous les habitants de l’île de toute origine.

Iniciativa per Occitània veut donc dire clairement que, si nous condamnons énergiquement toutes les formes de racisme, nous n’accepterons pas non plus les amalgames qui associeraient de façon malhonnête les mouvements de libération nationale à l’extrême droite. Nous affirmons notre pleine solidarité avec le peuple corse contre un État français qui continue de refuser ses demandes majoritaires légitimes (coofficialité, statut de résident, justice fiscale, libération des prisonniers politiques) et dont le chauvinisme développe l’extrême droite que nous combattrons toujours.

Eleccions regionalas: una mascarada / Élections régionales: une mascarade

Eleccions regionalas: una mascarada

Amb la campanha electorala que s'acaba, lo movement Iniciativa per Occitània desira comunicar son ponch de vista sus aquestas eleccions.

Al nivèl institucional l'importància donada pels poders politics e mediatics a las eleccions regionalas es en totala contradiccion amb lo pauc de poder que la constitucion francesa balha a las regions. Las regions de l'estat francés an mens de competéncias e mens de mejans financièrs que los departaments o que las grandas comunas e aglomeracions. Lo desfasament entre la realitat de la gestion de las regions e l'imatge que l'estat ne vòl donar es una engana politica.

Al nivèl d'aquestas eleccions dels 6 e 13 de decembre d'ongan, nos grèva que los debats politics e ideologics sián centralizats a París e utilizen de tematicas qu'an pas res a veire amb las gestions regionalas e pas res a veire amb las competéncias de las institucions regionalas.

Planhèm que los candidats occitanistas, malgrat lor valor, sián completament negats dins de listas non occitanistas. Ne venon completament invisibles als uèlhs de l'electorat. Las proposicions occitanistas d'aquestas listas son en dejós d'un minimum acceptable. Dins aquesta campanha politica planhèm l'utilizacion cosmetica e folclorica qu'es estada facha de la lenga occitana, tant escricha coma parlada.

Planhèm la menaça de l'FN tant al nivèl de sa pojada dins l'electorat coma al nivèl de la permeabilitat de certans partits franceses democratics a sas idèas. Planhèm la nullitat dels partits franceses democratics a obténer de resultats politics concrets contra l'FN e sas idèas.

Planhèm que l'estat d'emergéncia servisca de pretèxt per levar certanas libertats. L'organizacion de las eleccions dins un doble contèxt liberticida e de campanha d'ultranacionalisme francés desfavoriza grèvament l'expression democratica en general e l'expression democratica occitana en particular.

Per totas aquestas rasons, lo movement Iniciativa per Occitània denóncia aquestas eleccions e lor organizacion que non ofrisson pas cap de garentida democratica. Son una mascarada de vida politica.

Élections régionales: une mascarade

Avec la campagne électorale qui s'achève, le mouvement Iniciativa per Occitània souhaite communiquer son point de vue sur ces élections.

Au niveau institutionnel, l'importance donnée par les pouvoirs politiques et médiatiques aux élections régionales est en totale contradiction avec le peu de pouvoir que la Constitution française accorde aux régions. Les régions de l'État français ont moins de compétences et moins de moyens financiers que les départements ou que les grandes communes et agglomérations. Le décalage entre la réalité de gestion des régions et l'image que l'État veut en donner est une tromperie politique.

Au niveau de ces élections des 6 et 13 décembre de cette année, nous regrettons que les débats politiques et idéologiques soient centralisés à Paris et se servent de thématiques qui n'ont rien à voir avec les gestions régionales et rien à voir avec les compétences des institutions régionales.

Nous déplorons que les candidats occitanistes, malgré leur valeur, soient complètement noyés dans des listes non occitanistes. Ils en deviennent complètement invisibles aux yeux de l'électorat. Les propositions occitanistes de ces listes sont en dessous d'un minimum acceptable. Dans cette campagne politique, nous déplorons l'utilisation cosmétique et folklorique qui a été faite de la langue occitane, aussi bien écrite que parlée.

Nous déplorons la menace du FN aussi bien au niveau de sa montée dans l'électorat qu'au niveau de la perméabilité de certains partis français démocratiques à ses idées. Nous déplorons la nullité des partis français démocratiques à obtenir des résultats politiques concrets contre le FN et ses idées.

Nous déplorons que l'état d'urgence serve de prétexte pour suspendre certaines libertés. L'organisation des élections dans un double contexte liberticide et de campagne d'ultranationalisme français défavorise gravement l'expression démocratique en général et l'expression démocratique occitane en particulier.

Pour toutes ces raisons, le  mouvement Iniciativa per Occitània dénonce ces élections et leur organisation qui n'offrent pas de garantie démocratique. Elles constituent une mascarade de vie politique.